### Clause 1

1. Verum, sine mendacio, certum et verissimum.

### Clause 2

2. Quod est inferius, est sicut (id) quod est superius, et quod est superius, est sicut (id) quod est inferius, ad perpetranda¹ miracula rei unius.

### Clause 3

3. Et sicut omnes res fuerunt ab uno, meditatione unius: sic omnes res natae fuerunt ab hac una re, adaptatione.²

### Clause 4

4. Pater ejus est Sol, mater ejus Luna; (5) portavit illud ventus in ventre suo; (6) nutrix ejus terra est.

### Clause 5

5. Pater omnis thelesmi totius mundi est hic.

### Clause 6

6. Vis (Virtus) ejus integra est, si versa fuerit in terram.

### Clause 7

7. Separabis terram ab igne, subtile a spisso, suaviter, cum magno ingenio.

### Clause 8

8. Ascendit a terra in coelum, iterumque descendit in terram, et recipit vim superiorum et inferiorum. (11) Sic habebis gloriam totius mundi. Ideo fugiat (fugiet) a te omnis obscuritas.

### Clause 9

9. Hic (Haec) est totius fortitudinis fortitudo fortis: quia vincet omnem rem subtilem, omnemque solidum³ penetrabit.

### Clause 10

10. Sic mundus creatus est.

### Clause 11

11. Hinc adaptationes erunt mirabiles, quarum modus est hic.

### Clause 12

12. Itaque vocatus sum Hermes Trismegistus, habens tres partes Philosophiae totius mundi.

### Clause 13

13. Completum est quod dixi de operatione Solis.